header

Íslandsmót: Emilía Rós efst eftir fyrri keppnisdag

Emilía Rós_Ómarsdóttir_SA_Mynd_Art_BicnickEins og búist var við skilja aðeins örfá stig efstu stúlkur á Íslandsmóti Skautasambands Íslands sem fer nú fram í Skautahöllinni í Laugardal.

Emilía Rós Ómarsdóttir, SA, er fyrst eftir fyrri keppnisdag í Unglingaflokki A, með 35.21 stig og náði með þeim árangri viðmiðum fyrir stutta prógramið í Úrvalshóp sambandsins en áður hafði hún skilað inn viðmiðum í langa prógraminu. Agnes Dís Brynjarsdóttir, SB, er í öðru sæti en aðeins munar 1 stigi á þeim Agnesi og Emilíu. Kristín Valdís Örnólfsdóttir, SR, fylgir þeim svo fast á hæla með 33.31 stig.

Júlía Grétarsdóttir, SB, er að keppa á sínu fyrsta móti á Íslandi á þessu keppnistímabili og er jafnframt eini keppandinn í Kvennaflokki A. Júlía er með 33.30 stig eftir stutta prógramið í dag.

Í Stúlknaflokki A eru SA stúlkurnar Marta María Jóhannsdóttir og Aldís Kara Bergsdóttir í fyrstu tveimur sætunum, Marta er með 26.20 stig og Aldís með 24.28 stig. Herdís Birna Hjaltalín, SB, fylgir Aldísi fast á hæla í þriðja sætinu með 23.97 stig.

Þess má geta að Herdís og Thelma Kristín Maronsdóttir, SR, voru líkt og Emilía að skila inn viðmiðum í Úrvalshóp fyrir stutta prógramið. Keppendur þurfa að ná viðmiðum bæði fyrir stutta og langa prógramið til að vera gjaldgengir í val í landslið sem m.a. fer á Norðurlandamót og á Junior Grand Prix mótaraðirnar.

Keppni hefst kl. 8 í fyrramálið hjá 12 ára og yngri B. Kl. 9.25 hefst keppni í langa prógraminu; fyrst hjá Stúlknaflokki A, síðan kl. 10.35 hjá Unglingaflokki A og að lokum kl. 11.50 hjá Kvennaflokki A.

Aðgangur ókeypis og gestir hjartanlega velkomnir.

Íslandsmót ÍSS 2015 - keppnisröð

 

Dregið var um keppnisröð á Íslandsmóti ÍSS þriðjudaginn 24. nóvember 2015, á skrifstofu ÍSS.

Hér má sjá keppnisröðina - smellið á Starting Order / Result Details hjá þeim hópi sem þið viljið skoða til að sjá keppnisröðina.  

 

 

 

Íslandsmót ÍSS fer fram um næstu helgi

2015- Bikarmót_ÍSS._Agnes_Dís_Brynjarsdóttir._Ljósmyndari_Árni_Sæberg_10Íslandsmót Skautasambands Íslands fer fram um næstu helgi. 76 keppendur eru skráðir á mótið sem fer fram í Skautahöllinni í Laugardal.

Það er víst ábyggilegt að spennan verður mikil í Unglingaflokki A. Bæði verður flokkurinn einkar fjölmennur á mótinu og svo hefur keppni verið hörð á undanförnu ári í flokknum.
Emilía Rós Ómarsdóttir, SA, kom ný inní flokkinn í haust og hefur sigrað bæði mótin og þar með sett talsverða pressu á þær sem fyrir voru.
Þuríður Björg Björgvinsdóttir, SR, fór út fyrir Íslands hönd á Junior Grand Prix mótaröðina í haust en meiddist stuttu síðar og er að koma sterk inn aftur.
Einnig er viðbúið að Íslandsmethafi síðasta árs, Agnes Dís Brynjarsdóttir, SB, og Kristín Valdís Örnólfsdóttir, SR, muni veita Emilíu Rós harða keppni en þær hafa verið í öðru og þriðja sæti á síðastliðnum tveimur mótum.

Gaman er að nefna að Júlía Grétarsdóttir, SB, mun keppa á Íslandsmótinu í Kvennaflokki A. Júlíu hefur gengið vel á mótum undanfarið í Kanada þar sem hún æfir alla jafna.

Í Stúlknaflokki A má búast við harðri baráttu milli þeirra Mörtu Maríu Jóhannsdóttur, Ásdísar Örnu Fen Bergsveinsdóttur og Aldísar Köru Bergsdóttur. Keppnin milli þeirra var einkar hörð á Bikarmótinu en einungis 1.25 stig skildu þær að.

Sérstök athygli er vakin á því að lið SR í samhæfðum skautadansi, Norðurljósin, mun vera með sýningu á laugardeginum kl. 13:25. Sýningin er líður í undirbúningi fyrir keppni erlendis í lok febrúar, en aðeins eitt lið er starfandi hér á landi.

Íslandsmótið fer fram í Skautahöllinni í Laugardal. Aðgangur er ókeypis og gestir hjartanlega velkomnir.



  • Askur logo - 132x61
  • Icewear logo-90x90
  • thumb 0509 web-skautasamband Höldur

  • Bryggjan - 160x63
  • nm new logo red 80x80
  • sjávargrillið logo - 99x70

  • isi

  • aha veitinga logo 145x55

  • Hagkaup logo - 202-61
  • Opin Kerfi Logo 176x54
  • cabin 95x67
  • Center hotels 73x90