header

Skautakona ársins 2015

2015- Emilía_Rós_Ómarsdóttir._Ljósmyndari_Árni_SæbergEmilía Rós Ómarsdóttir hefur verið valin Skautakona ársins 2015 af stjórn Skautasambands Íslands. Emilía Rós keppir í listhlaupi á skautum fyrir hönd Skautafélags Akureyrar og er á sínu fyrsta ári í Unglingaflokki A (Junior).

Emilía Rós byrjaði árið af krafti bæði á RIG og eins á Norðurlandamótinu í Noregi. Hún fylgdi eftir góðu gengi á NM og sló stigametið í stutta prógraminu á Vetrarmótinu sem og heildarstigametið í Stúlknaflokki A. Á sínu síðasta móti í flokknum, Hamar Trophy sem er mót innan Alþjóðaskautasambandsins (ISU), hafnaði hún svo í 2. sæti. Beðið var með eftirvæntingu að sjá hvernig Emilía Rós myndi standa sig í nýjum keppnisflokki nú í haust og hversu mikla pressu hún myndi setja á þær sem fyrir voru í Unglingaflokki A. Emilía Rós gerði sér lítið fyrir og hefur endað sem sigurvegari allra mótanna þriggja í haust, og var krýndur Bikar- og Íslandsmeistari í Unglingaflokki A. Emilía Rós bætti stigametið í langa prógraminu á Bikarmótinu og fór yfir hinn langþráða 100 stiga múr á Íslandsmótinu, með 102.31 í heildarstig, en engum öðrum íslenskum skautara hefur tekist það hingað til.

Emilía Rós er glæsilegur fulltrúi og góð fyrirmynd skautaíþróttarinnar. Skautasambandið óskar henni hjartanlega til hamingju með titilinn.

Norskur, finnskur og suður afrískur meistari hafa boðað sig á RIG

Juulia TurkkilaGóð skráning er í listhlaup á skautum en mótið verður annað árið í röð keyrt undir merkjum Alþjóðaskautasambandsins (ISU). Alls hafa 7 þjóðir sent inn keppendur í ISU flokkum með samtals 43 keppendum, þar af 23 erlendum. Auk ISU flokkanna verður mótið einnig keyrt sem „interclub" mót í yngri A flokkum og eldri B flokkum.

Í Kvennaflokki (Senior) hafa 8 keppendur skráð sig til leiks. Má þar nefna Camilla Gjersem frá Noregi, Juulia Turkkila frá Finnlandi og Michaela Du Toit frá Suður Afríku. Allar eru þær meistarar í sínu heimalandi og hafa náð góðum árangri á stærstu mótum í íþróttinni. Má þar nefna að Camilla varð í 21.sæti á Evrópumótinu og Juulia í 12.sæti á sama móti og 18. á Heimsmeistaramótinu. Michaela hefur tvisvar áður keppt á RIG árið 2012 og 2011.

Í Unglingaflokki (Junior) eru 22 keppandi skráður til leiks, þar af 10 erlendar stúlkur og 1 strákur.

100 stiga múrinn rofinn

12318459 10208337827430154_1780019465_oÍslandsmót Skautasambands Íslands hefur aldrei verið eins spennandi og nú. Næst síðust inná ísinn í Unglingaflokki A fer Agnes Dís Brynjarsdóttir, Skautafélaginu Birninum, og skilar nánast hnökralausu prógrami með háu erfiðleikastigi. Áhorfendur biðu spenntir að vita stigin enda lá í loftinu að 100 stiga múrinn var nærri. Agnes var þó rétt undir, fékk 99.91 stig og sló stigamet Völu Rún B. Magnúsdóttur, SR, síðan á RIG 2014 um 2,41 stig.

Emilía Rós Ómarsdóttir, Skautafélagi Akureyrar, lét pressuna frá Agnesi ekkert á sig frá og kom full sjálfstrausts síðust inná ísinn. Líkt og á fyrri mótum skilar Emilía nánast hnökralausu prógrami og nær fyrsta sætinu, þriðja mótið í röð. Frábær árangur hjá þessari ungu stúlku.

Eftir að Emilía hafði skautað sinn dans var spennan í algleymi því ljóst var að mjótt væri á munum milli þeirra Agnesar og Emilíu. Emilía kom sá og sigraði með 102.31 stig, sló met Agnesar út og sömuleiðis hinn margreynda 100 stiga múr en aldrei áður hefur íslenskum skautara tekist það. Það má því með sanni segja að nýtt blað sé brotið í sögu listhlaups á skautum á Íslandi.

Það áttu þó fleiri stúlkur gott mót en þær Emilía og Agnes. Kristín Valdís Örnólfsdóttir, Skautafélagi Reykjavíkur, átti ágætan dag og fékk 93.32 stig í þriðja sætinu. Júlía Grétarsdóttir, frá Skautafélaginu Birninum, var eini keppandinn í Kvennaflokki A. Hún sýndi fallegt prógram og fékk 88.93 stig.

Skautafélag Akureyrar átti stúlkur í efstu 3 sætum í Stúlknaflokki A. Marta María Jóhannsdóttir hefur verið sigursæl á síðustu mótum og varð Íslandsmeistari líkt og í fyrra með 75.57 stig. Mikil keppni hefur verið milli þeirra Aldísar Köru Bergsdóttur og Ásdísar Örnu Fen Bergsveinsdóttur um annað og þriðja sætið. Aldís varð hlutskarpari í þetta sinn með 69.84 stig og Ásdís hafnaði í þriðja sæti með 65.44 stig. Herdís Birna Hjaltalín, SB, átti sömuleiðis stórgott mót og hafnaði í fjórða sæti eftir að hafa verið þriðja eftir stutta prógramið í gær.



  • Askur logo - 132x61
  • Icewear logo-90x90
  • thumb 0509 web-skautasamband Höldur

  • Bryggjan - 160x63
  • nm new logo red 80x80
  • sjávargrillið logo - 99x70

  • isi

  • aha veitinga logo 145x55

  • Hagkaup logo - 202-61
  • Opin Kerfi Logo 176x54
  • cabin 95x67
  • Center hotels 73x90